اهلاااااااا وسهلاااااا بزوار سبيسي الكرام اللي طقت تسبودهم وهم يحترون بلوقاتي اللي مالها داعي
<<لايكثر
والله من زمااااان ودي أنزل بلوق وأهذر فيه .. بس ماااا فضيت عشان امخمخ عليه ..
ودي اسولف وش سويت بالرياض 
.. آآآه ياحبي لهالرياض يانااااااس
طبعا انا طسيت مع ابوي يقالكم بس ويك ايند..خليتها اسبوعين
عاد الاخ رجع لحاله وجحدني>>تمون على ابوها
قلت وش يرجعني ..انطق بالشرقيه اللي مليت منها وملت مني ..
خليني اجلس عند عمتي افلها واوسع صدري..خاصة ان بنت عمتي(عمه ثانيه مهيب نفس الاولى)
رجلها مسافر وبيطول .. وجت تجلس عند عمتي(الاولى)عشاني موجودة
عاد قلنا من السبت تبدا جولة الدجـه وسعة الصدر..
وعمتي حليله معطيتنا وجه ومعطيتنا سواقها >>>أزين شي خخخخخ
قلنا دام السواق فاضي الصبح نروح نفطر بالفيصيله .. وش رايك يا ام تركي؟
قالت قداااااام .. سيري وانا من ورائك ..
عاد كان يوم سبت .. تشوفوني قايمه من بعد صلاة الفجر!!والله لو ان عندي دوام !!
وش اسوي جاني أرق !!
>>>الارق يجي بالليل يالخبله مهوب الصبح!
واشوف عمتي تستعد للدوام و ولدها بالموت يجر شنطته ويمشي خخخخخخخخ
ذكرت اخواني وجرجرتهم الصبح..وحزنت..
>>>تكفين يا اللي مهاجره
عاد الاخت قالت لاتقوميني الا 9 !!
انطقيت عند التلفزيون 
وانا ميتة جوووووع الين الساعه8ونص.. بس كله يهون عشان عيون بنينوس !!
انطلقنا و رحنا الفيصليه .. هدوء الصبح وروااااقه .. لا ازعاج بزران و لا أذية من الشباب
آآخر رواقه .. من زود الرواقه بغيت اخربها وادخن ..
>>>فاهمة الرواقه غلط
عاد امزح لاتصدقون..أكره شي عندي بهالدنيا الدخان ..حتى مشترطة على اهلي ما اعرس الا
على واحد مايدخن
>>>خلينا بالموضوع
ايه المهم..وشو؟؟كني اسمع احد يقول وش افطرتي؟
ياشين اللقافه
أفطرنا من بنينوس ساندويش حلومي وتونه يازينه..
دايم لارحت الرياض احب افطر عنده ..هو أو زيت و زعتر ..
ليتهم يفتحون لهم فرع بالشرقيه .. ويرحمونا من صب واي اللي دبل تسبودنا..
دوكم صورته .. خخخخخخخخخخخخ
عاد جازت لنا سالفة الفطور و رواقة الصبح ..قلنا نروح ثاني يوم ..
بس وش نروح له يا ام تركي؟؟
قلت لها وديني waterlemon اللي اقلقتوني فيه .. كلن يمدحه .. خلوني اشوفه ..واشوف طاولاته اللي بها مويه خخخخخخخخ كلن يتكلم عنها
ويالله!!انطلقنا له من9الصبح وساعه وحنا ندور عليه ..
انا اخبره جنب الريف اللبناني .. بس ما ادل زين..وام تركي ضيعتنا !!
عاد بنات مع سواق ومضيعين ... لا ومن كل جهه سيارة فيها شباب يبون يرقمون.. 
ياااااليييييلييي وش ذا البلشه..
ليت من يأدبهم ..يقهرون
لا..يمكن انا فاهمتهم غلط..يمكن يبون يوصلونا ويطمنون علينا!! 
خخخخخخخخخخخخ
اخ منهم شباب الرياض ..نشبه!!
أقصد بعض شباب الرياض
<<خافت لاينط عليها احد يتفلسف
الله يهدي شباب المسلمين
المهم طسوا الله يقلعهم ..وبعد عناء لقينا waterlemon
يوم نزلنا الا توهم فاتحين قلنا اشوا مير مافاتنا شي
عاد خذت لي كم صورة داخله ..حتى الوايتر الفلبيني واللبناني صورتهم خخخخخخخخخ
ياطخمه اللبناني خخخخخخخخ بس ماقدرت القط له صورة سنعه خخخخخخخ
اصلا ماخليت شي ماصورته ..حتى وحنا نمشي بالشارع أصور كني سايح ياباني اول مره يزور الرياض 
خخخخخخخخ
بحط لكم صور الرياض اللي لقطتها او بالاحرى صور المملكه والفيصليه بالصور بألبوم الصور فوق..
وحنا جالسين اسمع اصوات بنات جنبنا .. والضحك واصل لاخر التحلية .. 
والدخان فووووق مكانهن!!
الله يهديهن ..ياشين هالحركـات ما ادانيها! 
لا ويوم جا الوايتر ياخذ طلباتهن ... اسمعهن يرحبن فيه (اهليييييييييين هيثم )
>>>جالسه تتسمع هي و بنت عمتها
عاد والله شكل اللبناني مؤدب ماعطاهن وجه ..احسسسسن هههه
المهم شوفوا وش طلبنا .. كنت ابي كلوب ساندويش تقول بنت عمتي حلوووو
بس حسافة يقول لي مافيه خبز مدري توست!!
قلت عادي ارسل سواقنا يروح يجيب بدل ماهو منطق برا يحترينا خخخخخخخخخخخ
بس هيثم قال ولو يامدام مابدنا نكلف عليكوووون
>>>>أمسكو الارنب
طلبنا ساندويش لبنه..عادي .. و كاساديا دجاج يجنن طعمه .. 
خقيت عليه خخخخخخخ
وبس دوكم الصور تمتعوا بها
هذي صورة للطاوله اللي اقلقوني بها..داخلها مويه مدري خرابيط خخخخ
جلسنا نحوس بالسكينه ودنا نطلع المويه اللي داخل خخخخخخخخ
هذا الشاهي اول شي وصلنا ..لاتفوتكم المفن الصغيره..يقالكم تصبيرة خخخخخ
هذا اللي طلبناه يمي يمي
هذا الفلبيني يطالع فيني وانا اصوره خخخخ
هذا احم..الاطخم هيثم اللبناني ما انتبه لي ..هههه
ثالث يوم اللي هو الاثنين رحنا 2in1 .. لان حضرتها ام تركي بنت عمتي عندها موعد اسنان وماتبي تتأخر
وهذا اقرب مكان نفطر فيه .. وعاد كان ولدعمتي احمد (بالابتدائي) غايب ورايح معنا..
خخخخخخخخخخ منقهر كل يوم نفطر وهو بالمدرسه .. خربناه وخليناه يغيب ..
عاد ماصورت ماكان لي خلق ... واصلا ماكان ودي اروح له لاني مليت منه ..بس شو بدنا نساوي
وراااابع يوم ..قلنا خل نرتاح كل يوم فزعة من الصبح كننا بدوام .. وفشلة من عمتي..
واخزياااه ..وش بتقول عنب انا والداجه بنت عمتي
مايصير اذا كان صاحبك عسل لاتلطه كل ابوه صح؟
عاد حنا نلهف ابوالعسل مانعوق خخخخ
بس ماااااش ما ارتحنا خخخخخ يوم جا بالليل قلنا لها بنعزمك عشا..وديناها صحارى
عشان نلعب البزران ونتعشى..
واليوم اللي بعده(الاربعا) .. دقت علينا الظهر وقالت اذا تبون تتغدون بمطعم مايخالف
انا بجي من الدوام وانام ..
حنا ماننعطى وجه على طول طلعنا 
.. احترنا وين نروح؟؟
الريف اللبناني اكلهم لذيذ بس نبي نغير!!
امممم آفاد الهندي مجربينه...قلت لها وديني الريف الايطالي ابي اشوفه
وليتنا مارحنا...أجل البيتزا يحطون فيها خيار؟؟؟
خخخخخخخخخخ
والسلطه حاطين لنا الخضار كنهم يقولون انتم قطعوها واخلطوها!!!خخخخخخخخخ
امممممم يمكن اللزانيا حلوووه .. وفتوشيني الربيان ..
هذي صورة لجلستنا ..كنا ماخذين ولدعمتي(مصلحه)و بزران ام تركي الاثنين
عاد مغطيه وجيههم خايفة على مبزرتنا لاينفضحون خخخخ
المهم غيرنا جو و وسعنا صدورنا ..
ويوم رجعت رحت باليل مع بنات عمتي(الثالثه) لــ ستارسيتي ..
والخميس اجتمعوا عماني بأستراحــه..انبسطنا وفلللللللليناها .
.
الحمدلله غيرت جو .. يكفي انه جو الريـــاض ..
عاد باقي الايام مالكومش دعوووه بيها ..
دوجات خفيفه من هون وهون .. وزيارات عائلية
عاد بعدين وحشتني الشرقيــه
<<<تلاحظون اني اكثر من كلمة عاد ؟
واشتقت لاهلي وقلقهم .. جا أخوي ورجعت معه للشرقيه ..
وبسسس
لما توصلون هنا أعرفوا انكم ضيعتوا وقتكم وقريتو بلوقي للنهايــه 
مايستفاد من البلوق:
1-أحب الرياض
2- هذرتي واجد بس هالبلوق عن ثلاث خخخخخ
3- لايفوتكم كاساديا الدجاج حقwaterlemon
4- اذكروا الله
5- الريف اللبناني أزين من الريف الايطالي
6- ابي اكثر الـ مايستفاد خخخخخخخخ
7- اقنعوا بنينوس يفتح له فرع بالشرقيه وانا اول زباينه!
8- سبيسي وكيفي أكتب اللي يريحني
9- كم مره قلت كلمه (عاد)؟
000
0
0
0
0
0
0
0
تـــ ح ـــياتـيـــ
0
0
0
0
0
0
0
Extra 
Help
